გელათის ღვთისმშობლის ტაძრის არქიტექტურის რეაბილიტაცია

30 მარტს, ქალაქ ქუთაისში, გელათის ღვთისმშობლის ტაძრის არქიტექტურის რეაბილიტაციის თემაზე მეორე გასვლითი საანგარიშო სესია მოეწყო. ღონისძიებას საქართველოს კულტურისა და ძეგლთა დაცვის მინისტრი მიხეილ გიორგაძე დაესწრო, რომელიც სიტყვით გამოვიდა და დანარჩენ სტუმრებთან ერთად, გელათის მონასტრის სარეაბილიტაციო სამუშაოები დაათვალიერა.

საქართველოს საგარეო საქმეთა მინისტრმა ექსპერტებთან და მედიის წარმომადგენლებთან შეხვედრა გამართა

6 აპრილს საქართველოს საგარეო საქმეთა მინისტრმა მიხეილ ჯანელიძემ შეხვედრა გამართა საერთაშორისო ურთიერთობების საკითხებზე მომუშავე ქართველ ექსპერტებთან და მედიის წარმომადგენლებთან. შეხვედრის მიზანს 2017 წლის პირველი სამი თვის განმავლობაში საგარეო საქმეთა სამინისტროს მიერ განხორციელებული საქმიანობის შეჯამება და სამომავლო გეგმების მიმოხილვა წარმოადგენდა. მიხეილ ჯანელიძემ შეხვედრების მიმდინარეობისას ისაუბრა საქართველოს ოკუპირებულ ტერიტორიებთან დაკავშირებით ბოლო პერიოდში საერთაშორისო საზოგადოების მობილიზების მიზნით საგარეო უწყების მიერ განხორციელებულ ქმედებებზე, ასევე ევროპული და ევროატლანტიკური ინტეგრაციის გზაზე ქვეყნის მიერ მიღწეულ მნიშვნელოვან წარმატებებზე, განსაკუთრებით ევროკავშირის /შენგენის სივრცეში უვიზო მიმოსვლის რეჟიმის ამოქმედების შესახებ. საგარეო უწყების ხელმძღვანელმა მიმოიხილა პარტნიორ ქვეყნებთან ურთიერთობების გაღრმავების კუთხით ორმხრივ და მრავალმხრივ ფორმატებში გადადგმული ნაბიჯები და ეკონომიკური დიპლომატიისა და საზღვარგარეთ ქვეყნის კულტურის წარმოჩენის კუთხით მიმდინარე და დაგეგმილი აქტივობები. მინისტრმა გააცნო შეხვედრის მონაწილეებს ქართული დიასპორის წარმომადგენლებთან ურთიერთობების გაღრმავების კუთხით სამინისტროს საქმიანობის დეტალები და ასევე, ისაუბრა  სხვა პრიორიტეტული მიმართულებებით განხორციელებული ქმედებების შესახებ. მინისტრის გამოსვლის შემდგომ შეხვედრა კითხვა-პასუხის რეჟიმში წარიმართა.

2017 წლის პირველ კვარტალში ღვინის ექსპორტი 85%-ით გაიზარდა

2017 წლის პირველი კვარტლის მონაცემებით, ღვინის ექსპორტი დაახლოებით 85%-ით გაიზარდა, – დადებით სტატისტიკურ მაჩვენებლებზე საქართველოს პრემიერ-მინისტრმა გიორგი კვირიკაშვილმა მთავრობის დღევანდელ სხდომაზე ისაუბრა. რაოდენობრივად, იანვარ-მარტში საქართველოდან ექსპორტირებულია 14 200 000 ბოთლი ღვინო, რაც თანხობრივად 77%-იან ზრდას შეადგენს. „ეს, ვფიქრობთ, ძალიან კარგი მაჩვენებელია. განსაკუთრებით გვახარებს ის, რომ ბაზრებზე დივერსიფიკაცია იზრდება და ეს არის არა მხოლოდ საქართველოს სამეზობლოში…

​გიორგი მარგველაშვილი ქუთაისში სტუდენტებს შეხვდა

საქართველოს პრეზიდენტმა გიორგი მარგველაშვილმა “კონსტიტუცია ყველასია” კამპანიის ფარგლებში, დღეს შეხვედრა ქუთაისში, აკაკი წერეთლის სახელობის სახელმწიფო უნივერსიტეტის სტუდენტებთან გამართა. საპრეზიდენტო კამპანია კონსტიტუციის დამტკიცებამდე ცვლილებების განხილვის პროცესში, საერთო სახალხო ჩართულობის უზრუნველყოფას და საკონსტიუციო რეფორმის ძირითად საკითხებზე დისკუსიას ითავლისწინებს. საქართველოს პრეზიდენტმა კონსტიტუციის, როგორც ქვეყნის უმთავრესი და ჩარჩო კანონის მნიშვნელობაზე ისაუბრა და აღნიშნა, რომ კონსტიტუცია უპირველესად, თავისუფალი მოქალაქეების თავისუფალი…